Կիրկորովը Պուգաչովային անվանել է իր մուսա

Ռուսաստանի ժողովրդական արտիստ Ֆիլիպ Կիրկորովը հայտարարել է, որ իր բազմաթիվ երգեր նվիրված են նախկին կնոջը՝ երգչուհի Ալլա Պուգաչովային։ Այս մասին նա խոսել է ռուսական մամուլին տված հարցազրույցում։

Երգչի խոսքով՝ իր սիրային թեմայով ստեղծագործությունները նվիրված են իր մուսաներին, որոնցից մեկը Պուգաչովան է։ Նա ընդգծել է, որ նրա հանդեպ ունեցած զգացմունքները կյանքի կարևոր հատված են եղել։ «Դա իմ տասնամյա պատմությունն էր։ Ամեն ինչ գեղեցիկ սկսվեց “Ես Ռաֆայել չեմ” երգով, որը նվիրված էր նրան, և ավարտվեց “Մի քիչ ափսոս է” ստեղծագործությամբ», — նշել է Կիրկորովը։

Արտիստը հավելել է, որ բաժանումից հետո ապրած ծանր շրջանը դարձել է ստեղծագործական վերելքի պատճառ։ Այդ ժամանակահատվածում ստեղծվել են նրա մի շարք հիթեր, այդ թվում՝ «Ձյուն», «Դաժան սեր», «Թռանք» և «Պարզապես նվիրիր» երգերը։ Ավելի վաղ Պուգաչովան նշել էր, որ ամուսնացել է Կիրկորովի հետ նրա մոր խնդրանքով, իսկ երգիչը հայտարարել էր, որ այդ խոսքերում վիրավորական բան չի տեսնում։