Ռուսաստանում կոչ են անում Իրանին հարվածել ԱՄՆ ավիակիրային խմբավորմանը

Ռուս ռազմական թղթակից Յուրի Կոտենոկը հայտարարում է, որ Իրանի համար ԱՄՆ-ին «զգոնության բերելու» միակ արդյունավետ տարբերակը կարող է լինել տարածաշրջանում տեղակայված ԱՄՆ ռազմածովային ուժերի ավիակիրային հարվածային խմբավորման դեմ հրթիռային հարված հասցնելը։ Այդ մասին նա գրում է իր Telegram-յան ալիքում՝ արձագանքելով Իրանի շուրջ զարգացումներին։

Կոտենոկը նշում է, որ Իսրայելի տարածքին ավանդական պատասխան հարվածներից բացի, նման քայլը կարող է լինել միակ լուրջ զսպող գործոնը։ Նրա խոսքով՝ հակառակ դեպքում ԱՄՆ նախագահ Դոնալդ Թրամփին կանգնեցնել հնարավոր չէ։ Նա նաև ենթադրում է, որ հարվածներից հետո կարող է ժամանակավոր դադար լինել, սակայն իրանական իշխանությունների նկատմամբ ճնշումը կշարունակվի։

Ավելի վաղ Իսրայելը հարված էր հասցրել Իրանին, ինչի մասին հայտարարել էր երկրի պաշտպանության նախարար Իսրայել Կացը։ Թեհրանում արձանագրվել էին մի քանի պայթյուններ, իսկ իսրայելական կողմը հաստատել էր նաև ԱՄՆ-ի ներգրավվածությունը գործողությանը։