ԱՄԷ-ն սպառնում է Իրանի դեմ հետևանքներով՝ հարվածների շարունակման դեպքում

Արաբական Միացյալ Էմիրությունների արտաքին գործերի նախարարությունը հայտարարում է, որ Իրանի կողմից տարածաշրջանի երկրների դեմ հարվածների շարունակման դեպքում կլինեն լուրջ հետևանքներ։ Համապատասխան հայտարարությունը հրապարակվում է գերատեսչության պաշտոնական կայքում։

ԱՄԷ-ն ընդգծում է, որ կտրականապես դեմ է տարածաշրջանային պետությունների տարածքը հակամարտությունների հարթակ դարձնելուն և զգուշացնում է, որ շարունակվող գործողությունները խաթարում են տարածաշրջանային և միջազգային անվտանգությունը։ Հայտարարությունում նշվում է, որ Էմիրությունները պահպանում են միջազգային իրավունքով սահմանված իրենց օրինական իրավունքը՝ արձագանքելու հարձակումներին և պաշտպանելու սեփական ինքնիշխանությունն ու տարածքային ամբողջականությունը։

Ավելի վաղ հաղորդվում էր Աբու Դաբիում և Դուբայում արձանագրված պայթյունների մասին։ Տարածվող տեղեկություններով՝ իրանական բալիստիկ հրթիռները խոցել են նաև Ալ-Դհաֆրա ավիաբազան, որտեղ տեղակայված է ամերիկյան ռազմական ստորաբաժանում։