Ադրբեջանի տարածքը որևէ երկրի կողմից չի կարող օգտագործվել Իրանի դեմ․ Բայրամով

2026 թվականի մարտի 1-ին Ադրբեջանի արտաքին գործերի նախարար Ջեյհուն Բայրամովի և Իրանի արտաքին գործերի նախարար Սեյեդ Աբբաս Արաղչիի միջև հեռախոսազրույց է տեղի ունեցել։

Ըստ Oxu.Az-ի՝ Ադրբեջանի արտաքին գործերի նախարարության մամուլի ծառայությանը հղումով, զրույցի ընթացքում քննարկվել է Իրանում ռազմական գործողությունների և տարածաշրջանում ռազմական էսկալացիայի հետևանքով ստեղծված իրավիճակը։

Իրանի արտաքին գործերի նախարարը ներկայացրել է ստեղծված իրավիճակը և ձեռնարկվող քայլերը։

Ջեյհուն Բայրամովը լուրջ մտահոգություն է հայտնել տարածաշրջանում իրավիճակի ողբերգական սրման կապակցությամբ և իր ցավակցությունն է հայտնել Գերագույն առաջնորդ Այաթոլլահ Սեյեդ Ալի Խամենեիի մահվան և քաղաքացիական բնակչության շրջանում զոհերի կապակցությամբ։

Բայրամովն ընդգծվել է, որ Ադրբեջանի տարածքը որևէ երկրի կողմից չի կարող օգտագործվել հարևան և բարեկամ Իրանի դեմ։

Զրույցի ընթացքում կողմերը նաև մտքեր են փոխանակել փոխադարձ հետաքրքրություն ներկայացնող այլ հարցերի շուրջ։