Սկանդալ․ հանդիսատեսը դժգոհել է Սլավայի ելույթից
Հասարակություն
Ռուսաստանյան երգչուհի Սլավա-ի (իսկական անունը՝ Անաստասիա Սլանևսկայա) համերգը Պենզայում ավարտվել է սկանդալով։ Այս մասին հայտնում է Լենտա.ռու-ն՝ հղում անելով տեղի բնակիչներին, որոնք պնդում են, թե արտիստը բեմում հազիվ էր կանգնում ոտքի վրա։
Հանդիսատեսներից մեկի խոսքով՝ երգչուհին բեմ է բարձրացել ոչ սթափ վիճակում, շարժվել է այլ անձի օգնությամբ, իսկ ելույթը կատարվել է ֆոնոգրամայի ներքո՝ առանց ռիթմին համապատասխանելու։ Նշվում է, որ կատարվել է ընդամենը մի քանի երգ, ինչից հետո դահլիճում դժգոհություն է առաջացել։ Որոշ հանդիսատեսներ նույնիսկ ոստիկանություն են կանչել, իսկ բեմի ետնամասում ծագած վիճաբանությունը հայտնվել է տեղական հարթակներում հրապարակված տեսանյութերում։ Երգչուհին, իր հերթին, մեղադրել է հանդիսատեսին համերգը տապալելու մեջ և խոստացել վերադարձնել տոմսերի գումարը։
Ավելի ուշ Սլավան սոցիալական ցանցերում հրապարակած տեսանյութում արցունքն աչքերին խոսել է վատ ինքնազգացողության մասին՝ նշելով, որ համերգային տնօրենը պնդել է ելույթ ունենալ, թեև ինքը չի կարողացել նույնիսկ անկողնուց վեր կենալ՝ դեղամիջոցների ազդեցության պատճառով։ Նրա խոսքով՝ ելույթից հրաժարվելու դեպքում նախատեսված էր երկու միլիոն ռուբլու տուգանք։ Երգչուհին նաև հայտնել է, որ մտադիր է մեկամսյա դադար վերցնել՝ ֆիզիկական և հուզական վերականգնման համար։
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
