Մեծ Բրիտանիան ԱՄՆ-ին թույլատրում է օգտագործել իր ռազմաբազաները Իրանին հարվածելու համար․ Սթարմեր

Մեծ Բրիտանիան թույլատրել է ԱՄՆ-ին օգտագործել իր ռազմական բազաները իրանական հրթիռային պահեստներին հարվածելու համար: Վարչապետ Քեյր Սթարմերը այս մասին հայտարարել է իր X սոցիալական ցանցի էջում։

Նա նշել է, որ Վաշինգտոնը խնդրել է Լոնդոնին թույլատրել մուտք գործել բրիտանական ռազմական օբյեկտներ «հատուկ և սահմանափակ պաշտպանական նպատակով»: Սա ենթադրում է պահեստներում կամ արձակման կայաններում գտնվող հրթիռների ոչնչացում՝ դրանց արձակումից առաջ։

Սթարմերը նշել է, որ կառավարությունը հաստատել է ԱՄՆ խնդրանքը՝ կանխելու Իրանի հնարավոր հրթիռային հարվածները Մերձավոր Արևելքի երկրների վրա, որտեղ բնակվում է մոտ 200 000 բրիտանացի քաղաքացի: Նա ընդգծել է, որ Լոնդոնի և Վաշինգտոնի գործողությունները կազմում են կոլեկտիվ ինքնապաշտպանություն և համապատասխանում են միջազգային իրավունքին։