ՆԱՏՕ-ի գլխավոր քարտուղարը նոր հայտարարություն է տարածել Իրանի դեմ ռազմական գործողությունների վերաբերյալ
Աշխարհ
ՆԱՏՕ-ն չի մասնակցի Իրանում ԱՄՆ-Իսրայելական գործողությանը։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն։
ՆԱՏՕ-ի գլխավոր քարտուղարը նաև հավելել է, որ իր տեղեկությունների համաձայն՝ ԱՄՆ ռազմական գործողությունը Իրանում գտնվում է սկզբնական փուլում և կարող է տևել մի քանի շաբաթ։
«Մեզ չափազանց անհանգստացնում է իրավիճակը, սակայն սա ՆԱՏՕ-ի միջամտության հարց չէ։ Դաշինքը կենտրոնացած է եվրոատլանտյան ուղղության և ռուսական սպառնալիքի վրա»,-ասել է նա Եվրախորհրդարանի արտաքին գործերի կոմիտեի պատգամավորների հետ քննարկման ժամանակ։
Միևնույն ժամանակ ՆԱՏՕ-ի գլխավոր քարտուղարը մատնանշել է, որ դաշինքն ուշադիր հետևում է Իրանի փոխգործակցությանը Հյուսիսային Կորեայի, Ռուսաստանի և Չինաստանի հետ, սակայն ընդգծել է, որ դա չի փոխում Իրանի Իսլամական Հանրապետության ներքին գործընթացներին չմիջամտելու դիրքորոշումը։
Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ ռազմածովային ուժերի նավերը համենայն դեպս ուղղվում են դեպի Իրան։ Նա լիովին չէր բացառել ռազմական միջամտության հնարավորությունը՝ նշելով, որ չի կարող կանխատեսել իրադարձությունների հետագա զարգացումը։
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
