Սաուդյան Արաբիան դատապարտել է Իրանի կողմից Էր-Ռիադում ԱՄՆ դեսպանատան վրա հարձակումը

Սաուդյան Արաբիան իրավունք ունի հակահարված տալ Իրանի կողմից թագավորության վրա հարվածներին, հայտարարել է Սաուդյան Արաբիայի արտաքին գործերի նախարարությունը։

«Սաուդյան Արաբիայի թագավորությունը խստորեն դատապարտում է Ռիադում ԱՄՆ դեսպանատան վրա Իրանի հարձակումը: Թագավորությունը ընդգծում է իր լիակատար իրավունքը՝ ձեռնարկելու բոլոր անհրաժեշտ միջոցները անվտանգությունն ապահովելու համար, այդ թվում՝ ագրեսիային արձագանքելու հնարավորությունը», - ասվում է Սաուդյան Արաբիայի արտաքին գործերի նախարարության հայտարարության մեջ։

Երեքշաբթի օրը Սաուդյան Արաբիայի պաշտպանության նախարարությունը հայտնել է, որ Ռիադում ԱՄՆ դեսպանատունը հարձակման է ենթարկվել երկու անօդաչու թռչող սարքերով։ Փոքր հրդեհ է բռնկվել, և դեսպանատան շենքը կրել է աննշան վնասներ։