Լիբանանի նախագահը բանակին հրահանգել է չդիմադրել Իսրայելի բանակին

Լիբանանի նախագահ Ժոզեֆ Աունը հրահանգել է երկրի զինված ուժերին չդիմադրել Իսրայելի պաշտպանության բանակին (ՑԱԽԱԼ), եթե իսրայելական կողմը սկսի ցամաքային գործողություն։ Այս մասին հաղորդում է լիբանանյան Al Akhbar պարբերականը։ Մարտի 2-ին կայացած կառավարության նիստի ընթացքում բանակի հրամանատար գեներալ Ռուդոլֆ Հեյխալը ներկայացրել է, թե ինչպես է լիբանանյան բանակը պատրաստվում արձագանքել հնարավոր հարձակումներին։

Ըստ հրապարակման՝ նախագահ Աունը պատասխանել է՝ հրահանգելով չմուտք գործել բաց դիմակայության մեջ՝ պատճառաբանելով, որ չի ցանկանում վտանգել լիբանանցի զինծառայողների կյանքը «ինչ-որ մեկի կողմից երկիրը պատերազմի մեջ ներքաշելու» որոշման պատճառով։

Ավելի վաղ Իսրայելի պաշտպանության բանակը հայտարարել էր, որ հարավային Լիբանանում վերահսկողության տակ է վերցրել մի շարք դիրքեր՝ «Հեզբոլլահ» շիա խմբավորման դեմ իրականացվող գործողության շրջանակում։ Իսրայելական կողմը նշել է, որ նպատակ ունի ստեղծել անվտանգության լրացուցիչ գոտի երկրի հյուսիսային շրջանների բնակիչների պաշտպանության համար։