Բլոգերը գնել է Հիթրոուում մոռացված ճամպրուկը և ներսում հայտնաբերել լյուքս ապրանքներ

Բրիտանացի բլոգեր Քարմի Սելիտտոն գնել է Լոնդոնի Heathrow Airport օդանավակայանում մոռացված ճամպրուկը և ապշել դրա պարունակությունից։ Տեսանյութը հրապարակվել է նրա TikTok-ի էջում։ Ինֆլուենսերը 129,99 ֆունտ ստերլինգով ձեռք է բերել կորցրած ուղեբեռը, որի տիրոջը օդանավակայանի աշխատակիցներին չի հաջողվել գտնել։

Ճամպրուկը բացելուց հետո նա ներսում հայտնաբերել է օգտագործված, սակայն լյուքս դասի կոշիկներ՝ Gucci և Alexander McQueen ապրանքանիշերից, ինչպես նաև պայուսակներ՝ Prada և Louis Vuitton բրենդներից։ Բացի այդ, նա գտել է կաշվե դիվան, Cartier զարդերի տուփ՝ 2400 եվրոյի կտրոնով, կանացի հագուստ և անձը հաստատող փաստաթուղթ, որը պատկանում էր մի երիտասարդ կնոջ։

Սելիտտոն պարզել է, որ ճամպրուկի տիրուհին բնակվում է իր տնից մոտ երկու ժամ հեռավորության վրա և որոշել է անձամբ վերադարձնել իրերը։ Սակայն այցի արդյունքների մասին խոստացված տեսանյութը նա չի հրապարակել՝ միայն նշելով, որ սա իր կյանքի ամենատարօրինակ փորձառություններից մեկն էր։