P. Diddy-ն ազատ կարձակվի նախատեսվածից շուտ՝ 2028 թվականի ապրիլին

Ամերիկացի ռեփեր և պրոդյուսեր Շոն Քոմբսը, ով առավել հայտնի է որպես P. Diddy, ազատ կարձակվի 2028 թվականի ապրիլին։ Այս մասին հայտնում է PageSix-ը՝ նշելով, որ նրա պատժաժամկետը կրճատվել է մեկուկես ամսով՝ բանտային թմրամիջոցների կախվածության բուժման ծրագրին մասնակցելու պատճառով։

Ավելի վաղ Քոմբսը դատարանից պահանջել էր անհապաղ ազատ արձակում՝ պնդելով, որ դատավճիռը պետք է վերանայվի կամ զգալիորեն մեղմացվի։ Նրա պաշտպանական թիմը հայտարարել է, որ դատավորը չափազանց խիստ է եղել և թույլ է տվել սխալ որոշում կայացնելիս։

Հիշեցնենք, որ 2025 թվականի հոկտեմբերի 3-ին P. Diddy-ն դատապարտվել էր չորս տարի և երկու ամիս ազատազրկման՝ կանանց մարմնավաճառությամբ զբաղվելու նպատակով տեղափոխելու երկու դրվագով մեղավոր ճանաչվելուց հետո։ Դատարանը կասկած էր հայտնել, որ երաժիշտը ազատ արձակվելուց հետո կարող է կրկնել նույն հանցագործությունները։