Արկտիկայում ծովային սառույցը ռեկորդային հաստության է հասել

Հյուսիսային Սառուցյալ օվկիանոսում՝ Թայմիրի թերակղզու Չելյուսկին հրվանդանի շրջանում, փետրվարի արդյունքներով ծովային սառույցի հաստությունը կազմել է 145 սանտիմետր։ Տեղեկությունը հայտնում է ՏԱՍՍ-ը՝ հղում անելով հիդրոմետեորոլոգիական կայանի տվյալներին։

Մասնագետների հաշվարկներով՝ սա վերջին վեց տարվա ամենաբարձր ցուցանիշն է։ Համեմատության համար՝ 2022 թվականի փետրվարի վերջում սառույցի հաստությունը եղել է 132 սմ, 2023-ին՝ 121 սմ, իսկ 2024 և 2025 թվականներին՝ 125 սմ։ Ավելի բարձր ցուցանիշ արձանագրվել էր միայն 2019 և 2020 թվականներին։

Փորձագետների գնահատմամբ՝ սառույցի հաստության աճը կարող է կապված լինել տարածաշրջանում ձմեռային ցածր ջերմաստիճանների և եղանակային պայմանների առանձնահատկությունների հետ։