Զելենսկին և ԱՄԷ նախագահը քննարկել են խաղաղ բնակչության պաշտպանության հարցը

Ուկրաինայի նախագահ Վոլոդիմիր Զելենսկին հայտարարել է, որ հեռախոսազրույց է ունեցել Արաբական Միացյալ Էմիրությունների նախագահի հետ և ցավակցություն հայտնել Իրանի հարվածների հետևանքով զոհվածների կապակցությամբ։

Զելենսկին X սոցիալական հարթակում նշել է, որ քննարկվել են տարածաշրջանային իրավիճակի առանցքային հարցերը։ Նրա փոխանցմամբ՝ ԱՄԷ նախագահը նշել է, որ իրանական հարվածների թիրախում են հայտնվում ոչ միայն ռազմական օբյեկտներ, այլև բնակելի շենքեր, առևտրի կենտրոններ և մզկիթներ։

Կողմերը նաև համաձայնել են աշխատել համատեղ քայլերի վրա՝ հակամարտության պայմաններում մարդկանց կյանքի պաշտպանությանն աջակցելու նպատակով։