Բրիտանիայի ԱԳՆ-ն հայտարարել է, որ ակտիվ աշխատանքներ է տանում Բրիտանիայի քաղաքացիների արագ տարհանման համար

Բրիտանիայի արտաքին գործերի նախարար Իվետ Կուպերը հայտարարել է, որ կառավարությունը ակտիվ աշխատանքներ է տանում ավիաընկերությունների հետ՝ Մուսկատից բրիտանացի քաղաքացիների արագ տարհանման համար՝ առաջնահերթություն տալով խոցելի քաղաքացիներին։ Այս մասին հայտնում է Reuters-ը։

Կուպերը նշել է, որ բրիտանացիների մասին տեղեկություններ հավաքող թիմերը կապի մեջ են Օմանի և այլ երկրների գործընկերների հետ, որտեղ արդեն գրանցվել է մոտ 130,000 բրիտանացի։

Նախարարն ընդգծել է. «Մենք աշխատում ենք ավելացնել ավիաընկերությունների տեղերը Մուսկատից՝ հատկապես խոցելի քաղաքացիների համար։ Կառավարության չարտերային չվերթը կիրականացվի առաջիկա օրերին, սակայն Օմանում գտնվող մյուս բրիտանացիները պետք է սպասեն Արտաքին գործերի նախարարության հետ կապին՝ իրենց տարհանման հնարավորությունների վերաբերյալ»։