Իսրայելը Իրանի դեմ կիրառել է «գերարագին» Blue Sparrow հրթիռներ

Իսրայելը Իրանի դեմ հարվածների ընթացքում կիրառել է Blue Sparrow հրթիռներ, որոնք իրենց բնութագրերով մոտ են գերձայնային (հիպերձայնային) զենքին։ Այս մասին գրում է «Известия»-ն՝ նշելով, որ արևմտյան լրատվամիջոցների տվյալներով՝ այդ հրթիռները օգտագործվել են Իրանի հակաօդային պաշտպանության համակարգերը ճնշելու նպատակով։

Հաղորդվում է, որ դեռ 2013 թվականին Ռուսաստանի Արմավիր քաղաքում տեղակայված հեռահար ռադարը արձանագրել էր արևելյան Միջերկրական ծովում իրականացված մեկնարկ, որը Blue Sparrow-ի առաջին փորձնական գործարկումներից մեկն էր։ Հրթիռը կարող է կրել F-15 կործանիչը։ Սկզբնական փուլում այն ստեղծվել էր որպես բալիստիկ հրթիռ՝ հակառակորդի հրթիռների իմիտացիայի համար և կիրառվել էր Arrow հակահրթիռային պաշտպանության համակարգի փորձարկումների ժամանակ։ Blue Sparrow-ի հիմնական տարբերակի խոցման հեռահարությունը հասնում է շուրջ 2000 կիլոմետրի։

Պարբերականը նշում է, որ նման հրթիռների մարտագլխիկը հնարավոր է համալրել պայթուցիկ նյութով՝ ստանալով համակարգ, որը դժվար է խոցել սովորական հակաօդային պաշտպանության միջոցներով։ Ավելի վաղ մարտին հաղորդվել էր, որ Իրանը «358» բարաժավոր զենիթահրթիռով խոցել է իսրայելական Hermes 900 անօդաչու թռչող սարք։