«Չորրորդ ինքնիշխանություն». Առանցքային դեմքերը՝ վստահված անձանց դերում

Թերթը գրում է. ««ՉԻ»-ի տեղեկություններով, Հայ ազգային կոնգրեսը բավականին ուշագրավ որոշում է ընդունել, որով Հրազդանի քաղաքապետի ընտրությունների օրը պետք է աջակցի Կոնգրեսի թեկնածու Սասուն Միքայելյանին և զերծ պահի իշխանություններին կեղծիքների դիմելուց։ Մեր տեղեկություններով, Կոնգրեսում որոշվել է, որ քվեարկության օրը ընտրատեղամասերում որպես վստահված անձինք պետք է ներկա լինեն Կոնգրեսի անդամ կուսակցությունների առանցքային դեմքերը։ Մեր տեղեկություններով, Կոնգրեսի անդամ կուսակցությունները արդեն իսկ ձևավորել են իրենց կուսակցությունների առանցքային դեմքերի անուններով ցուցակներ, որոնք ներկայացվել են Կոնգրեսի կենտրոնական գրասենյակ»։