Զբոսաշրջիկներին հուշել են՝ ինչպես վերադարձնել գումարը ԱՄԷ ուղևորության համար

Իրանա-իսրայելական հակամարտության ֆոնին հազարավոր զբոսաշրջիկներ չեն կարողանում լքել Արաբական Միացյալ Էմիրությունները։ aif.ru-ի հետ զրույցում իրավաբանները ներկայացրել են, թե ինչ քայլեր պետք է ձեռնարկել նման իրավիճակում և ինչպես վերադարձնել չկայացած ուղևորության համար վճարված գումարը։

Իրավաբան Յուրի Կապշտիկը խորհուրդ է տվել հնարավորինս արագ դիմել տուրօպերատորին կամ ավիաընկերությանը՝ վերադարձի գործընթացը սկսելու համար։ Նրա խոսքով՝ անհրաժեշտ է հավաքել բոլոր փաստաթղթերը, ներառյալ վճարման կտրոնները և չվերթի չեղարկումը հաստատող ապացույցները՝ օրինակ ավիաընկերության տեղեկանքը կամ ԱԳՆ պաշտոնական հաղորդագրությունը։ Սա կարող է էական դեր ունենալ փոխհատուցման պահանջ ներկայացնելիս։

Մեկ այլ իրավաբան՝ Ալեքսեյ Մալենկովը, ընդգծել է, որ կարևոր է բոլոր դիմումները ձևակերպել նաև գրավոր՝ ձեռագիր տարբերակով, քանի որ ճգնաժամային իրավիճակներում էլեկտրոնային համակարգերը կարող են խափանվել։ Նա խորհուրդ է տվել ստանալ գրավոր հաստատում յուրաքանչյուր դիմումի կամ բողոքի համար։ Ավելի վաղ հաղորդվել էր, որ ԱՄԷ-ի օդային տարածքի փակման պատճառով ռուս զբոսաշրջիկներ չեն կարողանում մեկնել Աֆրիկայի մի շարք երկրներից։