Քրիստինա Ասմուսի հանդիպումը իր «երկվորյակի» հետ համացանցում աղմուկ է բարձրացրել

Ռուս դերասանուհի Քրիստինա Ասմուսի հանդիպումը իր «երկվորյակի»՝ բլոգեր Մարիա Կամովայի հետ, որը հայտնի է որպես Մաշ Միլաշ, լայն արձագանք է ստացել համացանցում։ Տեսանյութը հրապարակվել է դերասանուհու Instagram էջում։

37-ամյա «Ինտերններ» սերիալի աստղը տեսահոլովակ է նկարահանել ինֆլուենսերի հետ, ում հետ նրան հաճախ համեմատում են արտաքին նմանության պատճառով։ Տեսանյութում նրանք փոխել են դերերը և փորձել նմանակել միմյանց։ Ասմուսը ներկայացել է սև սվիտերով և տաբատով՝ ալիքաձև սանրվածքով, իսկ Կամովան կրել է պրինտով շապիկ և կապույտ ջինսեր՝ հարթ սանրվածքով։

Տեսանյութը հավաքել է շուրջ 2,2 միլիոն դիտում։ Օգտատերերը մեկնաբանություններում ընդգծել են նրանց նմանությունը՝ նշելով, որ անգամ խալերն են նույն տեղում, իսկ որոշները խոստովանել են, որ տեսանյութի ընթացքում դժվարացել են հասկանալ, թե ով է Քրիստինան, իսկ ով՝ Մաշան։