Լավրովը Իրանի արտգործնախարարի հետ քննարկել է Մերձավոր Արևելքում ստեղծված իրավիճակը

Ռուսաստանի արտաքին գործերի նախարար Սերգեյ Լավրովը և նրա իրանցի գործընկեր Աբբաս Արաղչին հեռախոսազրույցի ընթացքում քննարկել են Մերձավոր Արևելքում տեղի ունեցող զարգացումները՝ Իրանի դեմ ԱՄՆ-ի և Իսրայելի կողմից իրականացված զինված ագրեսիայից հետո, հայտնում է Ռուսաստանի արտաքին գործերի նախարարությունը։

«Քննարկվել են Իրանի դեմ ԱՄՆ-ի և Իսրայելի կողմից չհրահրված զինված ագրեսիայից հետո տարածաշրջանում ստեղծված իրավիճակի զարգացումները։ Ընդգծվել է, որ նման գործողությունները խաթարում են միջազգային իրավունքի հիմնարար նորմերը և ծանր հետևանքներ ունեն ամբողջ Մերձավոր Արևելքի համար։ Այս դիրքորոշումը հստակորեն կրկնել է Ռուսաստանի ներկայացուցիչը ՄԱԿ-ի Անվտանգության խորհրդի նիստում», - նշված է նախարարության կայքում։