Ֆրանսիան հավանություն չի տալիս ԱՄՆ-ի և Իսրայելի գործողություններին Իրանի դեմ․ Մակրոն

Ֆրանսիան չի կարող հավանություն տալ ԱՄՆ-ի և Իսրայելի գործողություններին Իրանի դեմ․ դա միջազգային իրավունքի խախտում է, հայտարարել է Ֆրանսիայի նախագահ Էմանուել Մակրոնը։ 

«Միացյալ Նահանգները և Իսրայելը որոշել են ռազմական գործողություն սկսել։ Այն իրականացվել է միջազգային իրավունքի շրջանակներից դուրս, ինչը մենք չենք կարող արդարացնել», - ասել է Մակրոնը ազգին ուղղված իր ուղերձում։

Ուղերձը հեռարձակվել է Ելիսեյան պալատի պաշտոնական կայքում։

Ֆրանսիայի առաջնորդի խոսքով՝ Մերձավոր Արևելքում երկարատև խաղաղությունը հնարավոր է միայն դիվանագիտության միջոցով։