ԱՄՆ-ն համակարգված կերպով ոչնչացնում է Իրանի հրթիռային ներուժը․ Ռուբիո

ԱՄՆ պետքարտուղար Մարկո Ռուբիոն հայտարարել է, որ ԱՄՆ զինված ուժերը ռազմական գործողություններ են իրականացնում Իրանի հրթիռային ներուժը համակարգված կերպով ոչնչացնելու նպատակով։ 

«Կենտրոնական հրամանատարությունը, համատեղ գործողությունների միջոցով, համակարգված կերպով ոչնչացնում է նրանց հրթիռային գոտին, դրանց արձակման կայանները և դրանք արտադրելու նրանց կարողությունը, ինչպես նաև ոչնչացնում է նրանց ռազմածովային նավատորմը», - լրագրողներին ասել է Ռուբիոն։