Բուքմեյքերները գնահատել են՝ արդյոք ՆԱՏՕ-ի որևէ երկիր կհրաժարվի մասնակցել ԱԱ-2026-ին

Բուքմեյքերական ընկերությունները գնահատել են, թե որքան հավանական է, որ ՆԱՏՕ-ի անդամ որևէ երկիր հրաժարվի մասնակցել ֆուտբոլի 2026 թվականի աշխարհի առաջնությանը, որը կանցկացվի ԱՄՆ-ում, Կանադայում և Մեքսիկայում։ «ՌԲ Սպորտ»-ի փոխանցմամբ՝ նման սցենարի համար սահմանվել է 9.00 գործակից։

Ներկայումս աշխարհի առաջնության ուղեգիր արդեն ապահովել են ՆԱՏՕ-ի անդամ 11 երկրների հավաքականներ, իսկ դաշինքի ևս երեք երկրների թիմեր դեռ պայքարելու են այդ հնարավորության համար անցումային խաղերում։ Բուքմեյքերները չեն բացառել, որ քաղաքական կամ այլ պատճառներով որևէ հավաքական կարող է հրաժարվել մրցաշարին մասնակցելուց։

Մարտի 3-ին ԱՄՆ նախագահ Դոնալդ Թրամփը մեկնաբանել էր Իրանի հավաքականի մասնակցության հարցը ԱԱ-2026-ին՝ հայտարարելով, որ իրեն այդ թեման առանձնապես չի հետաքրքրում։ Ավելի վաղ Իրանի ֆուտբոլի ֆեդերացիայի նախագահ Մեհդի Թաջը չէր բացառել, որ երկրի հավաքականը կարող է հրաժարվել մասնակցել մրցաշարին, թեև արդեն որակավորվել է և ընդգրկվել G խմբում՝ Բելգիայի, Եգիպտոսի և Նոր Զելանդիայի հետ միասին։