Գրոսսի. ԱՄՆ-ի և Իսրայելի հարձակումները Իրանում կենտրոնացած չեն միջուկային օբյեկտների վրա
Աշխարհ
Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսսին հայտարարել է, որ ԱՄՆ-ի և Իսրայելի հարձակումները Իրանում կենտրոնացած չեն միջուկային օբյեկտների վրա, չնայած Նաթանզում և Սպահանում որոշակի վնասներ են հայտնաբերվել։
«La Repubblica»-ին տված հարցազրույցում նա հաստատել է, որ մինչ օրս ռադիոակտիվ նյութերի արտահոսք չի հայտնաբերվել:
«Ընդհանուր առմամբ, կարող եմ հաստատել, որ Իրանում հարձակումը ուղղված չէ միջուկային օբյեկտների դեմ», - ասել է ԱԷՄԳ-ի ղեկավարը։
Գրոսին խոստովանել է, որ Իրանը դեռևս ունի հարստացված ուրան:
«Մենք որևէ ապացույց չունենք, որ այն ոչնչացվել է ո՛չ հունիսին [անցյալ տարի], ո՛չ էլ վերջին մի քանի ժամվա ընթացքում տեղի ունեցած հարձակումների ժամանակ: Այն մնում է ստորգետնյա թունելներում, որտեղ պահվում է: Սակայն վերջին ամիսներին մեր տեսուչները ֆիզիկական մուտք չեն ունեցել Իրանի միջուկային ենթակառուցվածքներ», - պարզաբանել է ԱԷՄԳ-ի ղեկավարը։
Նրա կարծիքով, բանակցությունները մնում են խնդրի լուծման բանալին, բայց դրանք անհնար են պատերազմական միջավայրում: Նա նաև ընդունել է գործակալության և Իրանի իշխանությունների միջև անմիջական շփման բացակայությունը: Բոլոր շփումները ներկայումս իրականացվում են բացառապես Վիեննայում Թեհրանի դիվանագիտական առաքելության միջոցով:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
