Բիթքոյնի գինը կտրուկ աճել է՝ գերազանցելով 71 հազար դոլարը

Բիթքոյնի արժեքը մարտի 4-ին կտրուկ աճել է՝ մոտենալով 71 հազար դոլարի։ Առևտրային տվյալների համաձայն՝ աշխարհի ամենահայտնի կրիպտոարժույթը մեկ օրվա ընթացքում թանկացել է մոտ 6,8 տոկոսով՝ հասնելով շուրջ 71,31 հազար դոլարի։

Կրիպտոարժույթի աճը տեղի է ունեցել այն ֆոնին, երբ ներդրողները կրկին դիմում են «ապահով ակտիվներին»՝ ԱՄՆ դոլարին և ոսկուն։ Միաժամանակ ոսկու գինը նույնպես բարձրացել է մոտ 1,5 տոկոսով՝ գերազանցելով մեկ տրոյական ունցիայի համար 5200 դոլարը։

Վերջին աճը սկսվել է մի քանի ամիս տևած անկումից հետո։ Այդ ընթացքում բիթքոյնի արժեքը նվազել էր մոտ 40 տոկոսով, իսկ ամբողջ կրիպտոարժութային շուկան 2025 թվականի հոկտեմբերից մինչև 2026 թվականի փետրվար ընկած ժամանակահատվածում կորցրել էր մոտ երկու տրիլիոն դոլար։