Մակրոնը չորրորդ անգամ հրավիրել է պաշտպանության խորհուրդ

Ֆրանսիայի նախագահ Էմանուել Մակրոնը չորրորդ անգամ է գումարում Պաշտպանության և ազգային անվտանգության խորհուրդը՝ Մերձավոր Արևելքում լարվածության սրման ֆոնին, հայտարարել է Ֆրանսիայի կաբինետի խոսնակ Մոդ Բրեխոնը։

Ֆրանսիայի առաջնորդն արդեն գումարել է Պաշտպանության խորհրդի երեք նիստ։ Նիստերը տեղի են ունեցել փետրվարի 28-ին, մարտի 1-ին և մարտի 2-ին։ Այդ նիստերի օրակարգում Մերձավոր Արևելքում ստեղծված իրավիճակն էր։

«Այսօր երեկոյան Ելիսեյան պալատում կկայանա Պաշտպանության և ազգային անվտանգության խորհրդի նիստ՝ Հանրապետության նախագահի մասնակցությամբ», - ասել է Բրեժոնը ճեպազրույցի ժամանակ։

Ավելի վաղ ԱՄԷ պաշտպանության նախարարությունը հայտնել էր, որ Իրանը անօդաչու թռչող սարքով հարված է հասցրել Աբու Դաբիում գտնվող ֆրանսիական ռազմածովային բազային:

Խոսքը վերաբերում է ֆրանսիական ռազմածովային բազային, որը հայտնի է նաև որպես Camp de la Paix: 2009 թվականին բացված բազան Ֆրանսիայի առաջին արտասահմանյան ռազմական օբյեկտն էր վերջին 50 տարվա ընթացքում: Երկուշաբթի օրը Բարոն հաստատել է հարձակումը, սակայն նշել է, որ հարվածը պատճառել է աննշան նյութական վնաս: