Մերձավոր Արևելքի հակամարտությունը կարող է խնդիրներ ստեղծել միլիոնավոր վարորդների համար

Մերձավոր Արևելքում ընթացող հակամարտությունը կարող է լուրջ խնդիրներ առաջացնել Ռուսաստանում ավելի քան 15 միլիոն ավտոմեքենայի սեփականատերերի համար, որոնք օգտագործում են ճապոնական ավտոմեքենաներ։ Shot Telegram ալիքի տվյալներով՝ վտանգի տակ են հայտնվել շարժիչների և փոխանցման տուփերի մատակարարումները։

Մինչ այժմ նման ավտոպահեստամասերի զգալի մասը Ռուսաստան էր ներմուծվում Արաբական Միացյալ Էմիրություններից, մասնավորապես Դուբայից, որտեղ գործում են ավտոմեքենաների ապամոնտաժման խոշոր կենտրոններ։ Ըստ աղբյուրների՝ բեռնափոխադրումները իրականացվում էին Իրանի տարածքով, այնուհետև Կասպից ծովով հասնում էին Ռուսաստանի Աստրախան նավահանգիստ։

Ավտոմոբիլային ազգային միության փոխնախագահ Անտոն Շապարինի խոսքով՝ պահեստում առկա պահեստամասերը կարող են բավարարել պահանջարկը մոտ մեկ ամիս։ Նրա գնահատմամբ՝ եթե հակամարտությունը երկարաձգվի, դա կարող է լուրջ հարված հասցնել Ռուսաստանում ճապոնական ավտոմեքենաների միլիոնավոր սեփականատերերին, գրում է Lenta.ru-ն։