«Երևան» երիտասարդական նվագախմբի անդամները Լիբանանից հատուկ չվերթով վերադարձել են Հայաստան

Այսօր առավոտյան Եչևան հատուկ չվերթով երիտասարդական նվագախմբի 72 անդամները վերադարձել են։ Նրանք մեկնել էին Բեյրութ՝ մասնակցելու «Ալ Բուստան» հեղինակավոր միջազգային փառատոնին։

Euromedia 24-ի հետ զրույցում երևանի քաղաքապետարանից նշեցին որ, Նվագախմբի անդամներից բացի նույն չվերթով Հայաստան են վերադարձել 15 հհ քաղաքացիներ․ ուղևորների ընդհանուր թիվը կազմել է 87 հոգի։

Չվերթը իրականացրել է Middle East Airlines ավիաընկերությունը՝ ՀՀ դեսպանության հետ բանակցությունների արդյունքում։ Ընդառաջելով ստացված դիմումին՝ ավիաընկերությունը հատուկ այդ նպատակով կազմակերպել է հավելյալ չվերթ։

Գործընթացի ընթացքում մշտական կապ է պահպանվել նաև Երևանի քաղաքապետարանի հետ։ Դեսպանության կողմից գործարկված թեժ գծի միջոցով Լիբանանից մեկնել ցանկացող քաղաքացիները ուղղորդվել են գրանցվել տվյալ չվերթին՝ Հայաստան վերադառնալու նպատակով։

Դեսպան Սարմեն Բաղդասարյանը և դեսպանության դիվանագետներն ապահովել են համույթի անդամների տեղափոխումն ու ուղեկցումը դեպի օդանավակայան՝ ռմբահարվող տարածքներով։