Պարսից ծոցի երկրներում աճում է պարենային մատակարարումների խաթարման ռիսկը

Իրանի շուրջ պատերազմի հետևանքով ծովային փոխադրումների խափանումը վտանգ է ստեղծում ոչ միայն էներգետիկ, այլև պարենային շուկաների համար, հայտնում է CNN-ը։ Պարսից ծոցի վեց երկրներ՝ Օմանը, Սաուդյան Արաբիան, Արաբական Միացյալ Էմիրությունները, Բահրեյնը և Քուվեյթը, ներմուծում են իրենց սննդի շուրջ 85%-ը, իսկ հացահատիկի դեպքում՝ ավելի քան 90%-ը։

Տարածաշրջանի կլիմայական պայմանները՝ մինչև 50°C հասնող ամառային ջերմաստիճան և տարեկան 100 մմ-ից պակաս տեղումներ, թույլ չեն տալիս զարգացնել լայնածավալ գյուղատնտեսություն։

Հորմուզի նեղուցը, որը համարվում է աշխարհի կարևորագույն ծովային «նեղ կետերից» մեկը, օրական ընդունում է միջինը շուրջ 138 նավ։ Այն կենսական նշանակություն ունի ոչ միայն նավթի ու գազի, այլև սննդամթերքի մատակարարման համար։

ԱՄՆ–Իսրայել–Իրան հակամարտության սրման պայմաններում նավերի երթևեկությունը կտրուկ դանդաղել է։