Մասնագետները նշել են թանկ և էժան սմարթֆոնների հիմնական տարբերությունները

BGR տեխնոլոգիական պարբերականի լրագրողները ներկայացրել են այն հիմնական հատկանիշները, որոնցով թանկ սմարթֆոնները տարբերվում են ավելի մատչելի մոդելներից։ Նրանց գնահատմամբ՝ գլխավոր տարբերությունը պրոցեսորի հզորությունն ու դասակարգն է, ինչպես նաև օպերատիվ հիշողության ծավալը և գրաֆիկական արագացուցիչը։

Փորձագետների խոսքով՝ պրեմիում դասի սմարթֆոններում սովորաբար օգտագործվում են բարձրակարգ չիպեր, ինչպիսիք են Snapdragon, Tensor, Exynos և Dimensity մոդելները։ Բացի այդ, նման սարքերը հաճախ ունեն առնվազն 12 ԳԲ օպերատիվ հիշողություն, ինչը թույլ է տալիս միաժամանակ գործարկել մի քանի հավելված և ապահովել արագ աշխատանք։ Իսկ ավելի էժան մոդելներում սովորաբար առկա է 4 ԳԲ հիշողություն, ինչը կարող է հանգեցնել դանդաղ աշխատանքի։

Մեկ այլ կարևոր տարբերություն էկրանի և տեսախցիկի որակն է։ Թանկ սմարթֆոնները սովորաբար ունեն բարձրակարգ դիսփլեյ և մի քանի տեսախցիկ, որոնք կարող են նկարել գրեթե պրոֆեսիոնալ մակարդակով։ Սակայն մասնագետները նշում են, որ հիմնական գործառույթների՝ զանգերի կամ սոցիալական ցանցերի օգտագործման դեպքում նույնիսկ ավելի մատչելի սմարթֆոնները կարող են աշխատել բավական արդյունավետ։