Մասնագետը բացատրել է՝ ինչ էր նշանակում Թրամփի «թեթև հարվածը» Գերմանիայի կանցլերի ծնկին

Հոգեթերապևտ Ռուսլան Պանկրատովը մեկնաբանել է ԱՄՆ նախագահ Դոնալդ Թրամփի և Գերմանիայի կանցլեր Ֆրիդրիխ Մերցի մասնակցությամբ միջադեպը, երբ Սպիտակ տանը հանդիպման ժամանակ Թրամփը կատակով ափով հարվածել է գերմանացի քաղաքական գործչի ծնկին։

Մասնագետի խոսքով՝ նման ժեստը պատահական չէ և կարող է դիտվել որպես հիերարխիայի ցուցադրում։ Նրա կարծիքով՝ Թրամփը նման վարքով ներկայացնում է իրեն որպես առավել ուժեղ դիրքում գտնվող կողմ և Մերցին ներկայացնում է որպես ավելի «կրտսեր գործընկեր»։

Պանկրատովը նշել է, որ նման կատակային հպումները հաճախ օգտագործվում են որպես «ընկերական» ժեստ, սակայն իրականում դրանք կարող են ընդգծել կարգավիճակի տարբերությունը։ Նրա կարծիքով՝ այդ ժեստը ուղղված էր ոչ այնքան Մերցին, որքան ամերիկյան ներքին լսարանին՝ ցույց տալու, որ Թրամփը պատրաստ է կոշտ դիրք գրավել Եվրոպայի նկատմամբ։