Կինը ենթարկվել է տնային շների հարձակման

Ռուսաստանի Ուֆա քաղաքում մի կին ենթարկվել է տնային շների հարձակման։ Միջադեպը տեղի է ունեցել քաղաքի Լենինի շրջանում։

Նախնական տվյալներով՝ կենդանիների տերը եղել է Ռուսաստանի հատուկ ռազմական գործողության մասնակիցներից մեկի մայրը։ Նա շներին դուրս է բերել զբոսանքի առանց դնչկալի և կապիչի, ինչից հետո կենդանիներից մեկը հարձակվել է անցորդ կնոջ վրա։

Ականատեսների և մասնագետների տվյալներով՝ երեք շներից միայն մեկը է ագրեսիվ վարք ցուցաբերել և կծել տուժածին, իսկ մյուս երկուսը չեն մոտեցել կնոջը։ Տուժածը դիմել է բուժօգնության, բժիշկները նրա ձախ ոտքի սրունքի հատվածում միջին ծանրության վնասվածքներ են արձանագրել։ Միջադեպից հետո շներին տարել են անասնաբուժական ծառայություն՝ կատաղության դեմ պատվաստման համար, այնուհետև նախատեսվում է նրանց տեղափոխել ապաստարան։