Գազի խոշորագույն արտադրողներից մեկը հայտարարել է ֆորս-մաժոր

Կատարի պետական նավթագազային ընկերությունը՝ QatarEnergy-ն, հայտարարել է ֆորս-մաժոր՝ հեղուկացված բնական գազի (LNG) արտադրության դադարեցումից հետո։ Այդ մասին ընկերության ներկայացուցիչները հայտնել են սոցիալական ցանցերում։

Հաղորդվում է, որ որոշումը ընդունվել է այն բանից հետո, երբ ընկերությունը ստիպված է եղել դադարեցնել հեղուկացված բնական գազի և հարակից արտադրանքի արտադրությունը։ Մարտի 2-ին հրթիռային հարձակման հետևանքով դադարեցվել էր արտադրությունը Ռաս Լաֆանի գործարանում։

Հարձակման ժամանակ վնասվել էին Mesaieed էլեկտրակայանին պատկանող ջրի պահեստավորման ռեզերվուարը և QatarEnergy ընկերության էներգետիկ ենթակառուցվածքներից մեկը։ Ավելի ուշ Կատարի իշխանությունները երկրում հայտարարեցին արտակարգ դրություն և դադարեցրին գազի արդյունահանումը։