Երբ հրաժարվեցինք անվտանգության երաշխավորից, դարձանք պետություն. Փաշինյան (տեսանյութ)

Վարչապետ Նիկոլ Փաշինյանն Ազգային ժողովում այսօր հայտարարեց՝ եթե աշխարհի ու միջազգային հարաբերությունների վերաբերյալ պատկերացումները մնային այնպիսին, ինչպիսի էին 2028, 2019 կամ 2020 թվականներին, ապա Հայաստանն այսօր չէր կարող լինել։

«Որ այս տեպով գնանք՝ հասնելու եք 3-րդ դասարանում իմ գրած ոտանավորներին, գալու եք ու ասեք՝ «բա դու, 3-րդ դասարանում..., էն ժամանա՞կ էիր դու ստում, թե՞ հիմա»»,- ասաց Փաշինյանն՝ ի պատասխան «Հայաստան» խմբակցության պատգաավոր Քրիստինե Վարդանյանի միացրած ձայնագրության, որում Նիկոլ Փաշինյանի խոսքերն էին։

Նա ասաց նաև՝ ընդդիմությունը չի հասկանում, թե ինչու չեն լինելու մյուս Ազգային ժողովում։

«Դուք ամեն օրվա հետ ավելի չեք լինելու մյուս խորհրդարանում»,- պնդեց Փաշինյանը։

Հավելեց, թե հասկացել են մի բան՝ եթե Հայաստանը չլինի իր խաղաղության երաշխավորը՝ ոչ մեկը չի լինի երաշխավոր. «Որովհետև մեր խաղաղությունը մենակ մեզ է պետք»։

Նիկոլ Փաշինյանը կարծիք հայտնեց, թե երբ Հայաստանը հրաժարվեց անվտանգության երաշխավորից, դարձավ պետություն։

«Մեր վրա խաբար էլ չի եղել, որ մենք պետություն չենք»,- նշեց նա։

Ըստ Փաշինյանի՝  փոփոխվող աշխարհում նա, ով չի փոխվում, արժանանում է «դինոզավրի ճակատագրին»։

«Այո՛, ես չեմ բացառում, որ վեց ժամվա ընթացքում կարող է իրադրությունը այնպես փոխվել, որ շատ գնահատականներ վերափոխես, ու այն երկրները, որոնք այդպիսին չեն, հայտնվում են բաստուրմայի կարգավիճակում, որոնց մանր-մանր կտրտրում են»,- հայտարարեց նա։