Պուտինը հայտնել է՝ ում Ռուսաստանը կշարունակի մատակարարել էներգառեսուրսներ

Ռուսաստանը կարող է դադարեցնել գազի մատակարարումները եվրոպական շուկաներ արդեն հիմա, այլ ոչ թե մեկ ամիս անց, հայտարարել է Վլադիմիր Պուտինը։

«Միևնույն է, ինչպես դուք հենց հիմա ասացիք, նրանք նախատեսում են մեկ ամիս անց՝ 24-ին վերջին օրը, իսկ 25-ից սահմանափակումներ մտցնել ռուսական գազի, այդ թվում՝ հեղուկ գազի գնման վրա։ Իսկ մեկ տարի անց՝ 2027 թվականին, ևս հավելյալ սահմանափակումներ՝ մինչև լիակատար արգելք։ Իսկ այժմ բացվում են այլ շուկաներ։ Եվ հնարավոր է՝ մեզ ավելի շահավետ լինի հենց հիմա դադարեցնել մատակարարումները եվրոպական շուկա։ Անցնել այն շուկաներ, որոնք բացվում են, և այնտեղ ամրապնդվել», — ասել է նա «Վեստի» տեղեկատվական ծառայության հեղինակ Պավել Զարուբինին։

Նա նաև նշել է, որ Ռուսաստանը կշարունակի էներգակիրներ մատակարարել հուսալի գործընկեր երկրներին, այդ թվում՝ Սլովակիային և Հունգարիային։