92-ամյա տղամարդը և 82-ամյա կինը ամուսնացել են ծերանոցում

ԱՄՆ-ի 92-ամյա բնակիչ Դեյվը ամուսնացել է իր 82-ամյա ընտրյալի հետ ծերանոցում։ Այս մասին հաղորդում է KOMU 8-ը։

Դեյվը իր ապագա կնոջ՝ Ջեքիի հետ ծանոթացել է Westbury Senior Living ծերանոցում անցկացվող միջոցառումների ժամանակ։ Նրանց միավորել է Աստվածաշնչի ուսումնասիրության և բապտիստական եկեղեցի հաճախելու հանդեպ սերը։ Թե՛ տղամարդը, թե՛ կինը այրի էին և անգամ չէին մտածում, որ երբևէ կրկին սեր կգտնեն, մինչև որ հանդիպեցին միմյանց։

Փետրվարի 5-ին Դեյվը Ջեքիին ամուսնության առաջարկ է արել։ Փեսացուն և հարսնացուն որոշել են պսակադրվել հենց այն ծերանոցում, որը նրանց միավորել էր։ Հաստատության աշխատակիցները երկու շաբաթ պատրաստվել են տոնակատարությանը՝ տպել են հրավիրատոմսեր, զարդարել դահլիճը և պատվիրել սնունդ։