Կանադայի վարչապետը չի բացառել երկրի ներգրավվածությունը Մերձավոր Արևելքի հակամարտության մեջ

Կանադայի վարչապետ Մարկ Քարնին չի բացառել իր երկրի հնարավոր ներգրավվածությունը Մերձավոր Արևելքում շարունակվող հակամարտությանը։ Ավելի վաղ Քարնին հայտարարել էր, որ Կանադան «ափսոսում է» ԱՄՆ-ի և Իսրայելի կողմից Իրանի վրա հասցված հարվածների համար, քանի որ դրանք ցույց են տալիս միջազգային կարգի ձախողումը։

«Երբեք չենք կարող բացառել մասնակցությունը», – ասել է Քարնին Ավստրալիայի վարչապետ Էնթոնի Ալբանեզի հետ մամուլի ասուլիսի ժամանակ։ Կանադայի վարչապետը հավելել է, որ Կանադան չի մասնակցում Միացյալ Նահանգների և Իսրայելի կողմից իրականացվող հարձակողական գործողություններին։

«Այնուամենայնիվ, մենք միշտ կպաշտպանենք կանադացիներին։ Մենք միշտ կաջակցենք և կպաշտպանենք մեր դաշնակիցներին, երբ դա մեզ անհրաժեշտ լինի», – ասել է Քարնին։