Kyodo. Մակրոնը պլանավորում է մարտին այցելել Ճապոնիա

Ֆրանսիայի նախագահ Էմանուել Մակրոնը մարտին պլանավորում է այցելել Ճապոնիա՝ վարչապետ Սանաե Տակաիչիի հետ բանակցություններ վարելու, այդ թվում՝ քննարկելու Իրանի, Ուկրաինայի շուրջ ստեղծված իրավիճակը և Ասիա-խաղաղօվկիանոսյան տարածաշրջանի անվտանգության հարցերը, հաղորդում է Kyodo լրատվական գործակալությունը՝ հղում անելով կառավարության աղբյուրներին։

Այս աղբյուրների համաձայն, այցի ընթացքում նախատեսվում է քննարկել նաև Չինաստանի հետ հարաբերությունները, որտեղ Մակրոնը այցելել էր 2025 թվականի դեկտեմբերին։

Գործակալությունը նշում է, որ Տակաիչին ցանկանում է ցուցադրել իր միասնությունը Փարիզի հետ այս հարցում՝ Տոկիոյի և Պեկինի միջև հարաբերությունների ներկայիս վատթարացման ֆոնին։ Մասնավորապես, Ճապոնիան զգուշանում է Մակրոնի մտադրությունից՝ Չինաստանի նախագահ Սի Ծինփինին հրավիրելու G7 գագաթնաժողովին, որը տեղի կունենա 2026 թվականի հունիսին Ֆրանսիայում։

Այնուամենայնիվ, ըստ Kyodo-ի, Մակրոնի այցը կարող է հետաձգվել, եթե Իրանի շուրջ ստեղծված իրավիճակը սրվի։