Հարյուրավոր ռուսաստանցիներ տարհանվել են Իրանից՝ Ադրբեջանի սահմանով

ԱՄՆ-ի և Իսրայելի կողմից Իրանի վրա իրականացված հարվածների մեկնարկից հետո ավելի քան 260 Ռուսաստանի քաղաքացի տարհանվել է Իրանի Իսլամական Հանրապետությունից՝ անցնելով Ադրբեջանի սահմանով։ Այդ մասին հայտնում է «РИА Новости»-ն՝ հղում անելով Ադրբեջանի պետական սահմանապահ ծառայությանը։

Գերատեսչության տվյալներով՝ փետրվարի 28-ից մինչև մարտի 5-ի ժամը 11:00-ը Իրանից Ադրբեջանի սահմանով դուրս է բերվել Ռուսաստանի 261 քաղաքացի։ Ընդհանուր առմամբ նույն ժամանակահատվածում այդ սահմանով տարհանվել է 1335 մարդ տարբեր երկրների քաղաքացիներից։

Ավելի վաղ Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել էր, որ ռուս դիվանագետները շնորհակալություն են հայտնում Հայաստանի, Ադրբեջանի և Թուրքմենստանի իշխանություններին՝ Իրանից Ռուսաստանի քաղաքացիների վերադարձը կազմակերպելու հարցում ցուցաբերած աջակցության համար։ Նա նաև երախտագիտություն էր հայտնել Իրանի հարևան պետություններին՝ ռուսաստանցիների անխոչընդոտ ելքը ցամաքային սահմաններով ապահովելու համար։