«Ամենաիդեալական հետույք ունեցող» աստղը հերքել է «Օզեմպիկ» օգտագործելու մասին լուրերը

Բրիտանացի հեռուստահաղորդավարուհի Մայա Ջաման արձագանքել է սոցիալական ցանցերում տարածված լուրերին, թե ինքը նիհարելու համար օգտագործում է շաքարախտի բուժման համար նախատեսված «Օզեմպիկ» դեղամիջոցը։ 31-ամյա աստղը TikTok-ում հրապարակված տեսանյութում հայտարարել է, որ այդ պնդումները իրականությանը չեն համապատասխանում։

Մարզասրահում նկարահանված տեսանյութում Ջաման նշել է, որ հոգնել է այն մեղադրանքներից, թե յուրաքանչյուր նիհար մարդ պարտադիր օգտագործում է նման ներարկումներ։ Նրա խոսքով՝ կան մարդիկ, որոնք պարզապես բնույթով նիհար են և միշտ չէ, որ ցանկանում են այդպիսին լինել։ «Ոմանք պարզապես բնականաբար նիհար են, և դա միշտ չէ, որ մեր ընտրությունն է։ Իրականում մեզ դուր է գալիս ավելի լցված տեսք ունենալ, բայց քաշ հավաքելը դժվար է», — ասել է նա։

Հաղորդավարուհին նաև նշել է, որ քաշ ավելացնելու համար ակտիվորեն զբաղվում է ուժային մարզումներով և երբեմն ուշ ժամերին սնվում է։ Ավելի վաղ նմանատիպ քննարկումների կենտրոնում էր հայտնվել նաև բրիտանացի ռոք երաժիշտ Օզի Օսբորնի դուստրը՝ Քելի Օսբորնը, որը սոցիալական ցանցերում քննադատությունից հետո բացատրել էր իր կտրուկ նիհարելու պատճառները։