Էլջեյը Մոսկվայում նախատեսվող համերգից կարող է վաստակել ավելի քան 120 միլիոն ռուբլի

Ռուս ռեփեր Էլջեյը (իսկական անունը՝ Ալեքսեյ Ուզենյուկ) Եվրոպայից վերադարձից հետո Մոսկվայում նախատեսվող իր առաջին մենահամերգից կարող է վաստակել ավելի քան 120 միլիոն ռուբլի։ Այս մասին գրում է Shot Telegram ալիքը։

Հաղորդվում է, որ համերգի տոմսերի արժեքը հասնում է մինչև 13 հազար ռուբլու։ Ըստ հաշվարկների՝ տոմսերի վաճառքից ստացված ընդհանուր եկամուտը կարող է գերազանցել 120 միլիոն ռուբլին, սակայն շոուի կազմակերպումը կարժենա մոտ 100 միլիոն ռուբլի։ Այդ պատճառով նշվում է, որ վերջնական արդյունքում արտիստի իրական հոնորարը կարող է այնքան էլ մեծ չլինել։

Աղբյուրի տվյալներով՝ երգչի ռայդերում ներառված են 20 շիշ գարեջուր, հավի ֆիլե, սպիտակ ձուկ, բանջարեղեն, մրգային ափսե և պրոտեինային սալիկներ։ Բացի այդ, նրա հանդերձարանում պետք է լինեն նաև դեղատուփ և երկու գիրք՝ Ռիկ Ռուբինի «Ստեղծագործական ակտը» և Չարլզ Էնելի «Համակարգ․ Տիեզերքի բանալին»։