Չինաստանը պատրաստվում է ներկայացնել իր ապագայի տնտեսական ռազմավարությունը

Չինաստանը պատրաստվում է աշխարհին ներկայացնել իր հաջորդ տնտեսական ռազմավարությունը՝ հնգամյա զարգացման նոր ծրագրի միջոցով։ Պեկինում մեկնարկած «Երկու նստաշրջան» քաղաքական հավաքի ընթացքում երկրի ղեկավարությունը պետք է հաստատի 15-րդ հնգամյա ծրագիրը, որը սահմանելու է Չինաստանի տնտեսական և տեխնոլոգիական զարգացման ուղղությունները հաջորդ տասնամյակի համար։

Վերջին տարիներին Չինաստանը մեծ ներդրումներ է կատարել նորարարությունների և տեխնոլոգիաների զարգացման մեջ՝ հատկապես արհեստական բանականության, էլեկտրական մեքենաների, ռոբոտաշինության և բարձր տեխնոլոգիաների ոլորտներում։ Նոր ծրագրով Պեկինը նախատեսում է ոչ միայն զարգացնել այդ տեխնոլոգիաները, այլ նաև լայնորեն կիրառել դրանք արդյունաբերության և տնտեսության տարբեր ճյուղերում՝ ամրապնդելով երկրի դիրքը համաշխարհային շուկայում։

Միևնույն ժամանակ Չինաստանը կանգնած է մի շարք տնտեսական մարտահրավերների առաջ՝ դանդաղող տնտեսական աճ, նվազող ծնելիություն և սպառողական վստահության անկում։ Սակայն Պեկինը փորձում է օգտագործել տեխնոլոգիական հեղափոխությունը՝ ուժեղացնելու իր ազդեցությունը գլոբալ տնտեսությունում և դառնալու ոչ միայն արտադրական կենտրոն, այլ նաև առաջատար տեխնոլոգիական մատակարար ամբողջ աշխարհի համար։