Որքան է ծախսել ԱՄՆ-ն իրանական ԱԹՍ-ին հարվածելու համար․ ԶԼՄ

ԱՄՆ-ն և նրա դաշնակիցները տնտեսապես անշահավետ են համարում իրանական անօդաչու թռչող սարքերի դեմ պայքարը՝ դրանց լայնածավալ օգտագործման և ցածր գնի պատճառով, հաղորդում է The New York Times-ը։

«Անօդաչու թռչող սարքի ոչնչացումը անկասկած ավելի թանկ է, քան այն օդ բարձրացնելը։ Սա փողի խաղ է։ Մեկ կրակոցի և մեկ որսման հարաբերակցությունը լավագույն դեպքում 10-ը 1-ի է։ Սակայն արժեքի տեսանկյունից այն կարող է ավելի շատ լինել 60-ը կամ 70-ը 1-ի՝ Իրանի օգտին», - թերթին ասել է Hylio անօդաչու թռչող սարքեր արտադրող ընկերության գործադիր տնօրեն և համահիմնադիր Արթուր Էրիկսոնը։

Հոդվածում նշվում է, որ մեկ Shahed կամիկաձե անօդաչու թռչող սարքի արժեքը տատանվում է 20 000-ից մինչև 50 000 դոլար։ Միևնույն ժամանակ, մեկ Patriot որսացող սարքի արժեքը կարող է գերազանցել 3 միլիոն դոլարը։