Հնդկաստանը մտադիր է հզորացնել իր ՀՕՊ համակարգերը ռուսական համակարգերով

Հնդկաստանը մտադիր է Ռուսաստանից գնել S-400 զենիթահրթիռային համակարգերի հինգ գումարտակ, հաղորդում է հնդկական Asian News International լրատվական գործակալությունը։

Ըստ հաղորդագրությունների՝ Հնդկաստանի պաշտպանության նախարարությունը շուտով կքննարկի Ռազմաօդային ուժերի առաջարկը S-400 գնելու վերաբերյալ։ Գործակալությունը նշում է, որ վերջին հնդկապակիստանյան հակամարտության ժամանակ Իսլամաբադը տեղակայել է չինական HQ-9 զենիթահրթիռային համակարգեր։ Այս համակարգերը չկարողացան պաշտպանել Վենեսուելան և Իրանը ԱՄՆ ռազմական հարձակումներից։

Հնդկաստանի Ռազմաօդային ուժերը նաև պլանավորում են Ռուսաստանից գնել զենիթահրթիռային համակարգերի զգալի քանակ։ Արդեն բանակցություններ են ընթանում Մոսկվայի հետ, և շուտով կհայտարարվի երկրորդ մրցույթի մասին։