ԱՄՆ-ի նախնական ծրագիրը Իրանի հարցում ձախողվել է, առաջիկայում իրավիճակը կարող է էլ ավելի վատանալ․ Արաղչի

ԱՄՆ նախագահ Դոնալդ Թրամփի «Ա պլանը»՝ Իրանի նկատմամբ արագ հաղթանակ ապահովելու նպատակով, ձախողվել է, իսկ «Բ պլանը» կլինի էլ ավելի մեծ ձախողում, հայտարարել է Իրանի արտգործնախարար Աբբաս Արաղչին։

«Մաքուր և արագ ռազմական հաղթանակի հասնելու Ձեր Ա պլանը ձախողվել է, պարոն նախագահ։ Ձեր Բ պլանը կլինի էլ ավելի մեծ ձախողում։ Ճշմարտությունն այն է, որ եզակի համաձայնության հասնելու հնարավորությունը այրվեց այն բանից հետո, երբ «Ամերիկան՝ վերջին հերթին» շարժման կաբալան թաքցրեց այն «զգալի առաջընթացը», որին մենք հասել էինք բանակցությունների ընթացքում», — գրել է Արաղչին X սոցիալական ցանցում։

Նրա խոսքով՝ «Իսրայելը՝ ամենից առաջ» սկզբունքը միշտ նշանակում է՝ «Ամերիկան՝ վերջին հերթին»։