Մեր զինված ուժերը պետք է պատրաստ լինեն ցանկացած գործողության․ Ալիև

Այսօր առավոտյան ինձ տեղեկացրին, որ Իրանի փոխարտգործնախարարը զանգահարում է Բաքու և խնդրում է Ադրբեջանին օգնել Լիբանանում մնացած Իրանի դեսպանատան աշխատակիցների տարհանմանը, քանի որ նրանք չունեն բավարար հնարավորություններ, անվտանգության խորհրդի նիստին հայտարարել է Իլհամ Ալիևը։

«Ինձ տեղեկացրին։ Ես անմիջապես կարգադրեցի օգնություն ցուցաբերել և ինքնաթիռ ուղարկել։ Նրանք նույնիսկ ասացին, որ պատրաստ են վճարել այդ ամենի համար։ Ես ասացի, որ անհրաժեշտ չէ. եթե մենք հիմա, այսպիսի դժվարին ժամանակներում օգնություն չտրամադրենք, ապա ե՞րբ պետք է դա անենք։

Եվ դրա դիմաց Նախիջևանին նման կեղտոտ, նողկալի և վախկոտ հարված հասցվեց։ Այս բիծը երբեք չի ջնջվի նրանց տգեղ դեմքից։

Դիվանագիտական ​​​​ուղիներով կձեռնարկվեն բոլոր անհրաժեշտ միջոցներ։

Մեր զինված ուժերը՝ Պաշտպանության նախարարությունը, Պետական ​​​​սահմանապահ ծառայությունը և մյուս բոլոր հատուկ նշանակության ստորաբաժանումները, բերվել են բարձր մարտական ​​​​պատրաստության վիճակի և պետք է պատրաստ լինեն ցանկացած գործողության։ Առայժմ այսքանը»,– ասել է նա։