Վենեսուելան և Միացյալ Նահանգները որոշել են վերականգնել դիվանագիտական հարաբերությունները
Աշխարհ
Վենեսուելայի և Միացյալ Նահանգների կառավարությունները որոշել են վերականգնել դիվանագիտական հարաբերությունները։ Այս մասին հայտարարվել է Վենեսուելայի արտաքին գործերի նախարար Իվան Գիլ Պինտոյի Telegram ալիքում հրապարակված կառավարական հաղորդագրության մեջ։
«Վենեսուելայի Բոլիվարյան Հանրապետությունը հայտարարում է, որ Ամերիկայի Միացյալ Նահանգների իշխանությունների հետ դիվանագիտական երկխոսությունից հետո երկու երկրների կառավարությունները որոշել են վերականգնել դիվանագիտական և հյուպատոսական հարաբերությունները», – ասվում է հաղորդագրության մեջ։ Այն ընդգծում է, որ Վենեսուելայի կառավարությունը վերահաստատում է իր պատրաստակամությունը անցնելու փոխադարձ հարգանքի, պետությունների ինքնիշխան հավասարության և երկու երկրների ժողովուրդների միջև համագործակցության վրա հիմնված կառուցողական երկխոսության նոր փուլի։
Հաղորդագրությունում վստահություն է հայտնվում, որ դիվանագիտական հարաբերությունների վերականգնումը կնպաստի փոխըմբռնման ամրապնդմանը և դրական ու փոխշահավետ հարաբերությունների հնարավորությունների բացմանը, որոնք կհանգեցնեն Վենեսուելայի ժողովրդի սոցիալական և տնտեսական բարեկեցությանը։
Բոլիվարյան կառավարությունը հիշեցրել է իսպանական գաղութային տիրապետությունից ազատագրող Սիմոն Բոլիվարի խոսքերը, որը ցանկություն էր հայտնել Ամերիկայի Միացյալ Նահանգների կառավարության հետ հաստատել «բարեկամության և լավ փոխըմբռնման հարաբերություններ»։ 2019 թվականի հունվարին Վենեսուելան հայտարարեց ԱՄՆ-ի հետ դիվանագիտական հարաբերությունները խզելու մասին, այն բանից հետո, երբ Սպիտակ տունը ճանաչեց ինքնահռչակ նախագահ Խուան Գուայդոյին որպես Բոլիվարյան Հանրապետության ղեկավար։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
