ՄԱԿ-ի մարդու իրավունքների բարձրագույն հանձնակատարը մեկնաբանել է Իրանի դեմ իրականցվող ռազմական գործողությունները

ՄԱԿ-ի մարդու իրավունքների բարձրագույն հանձնակատար Վոլկեր Տուրկը՝ խոսելով Իրանի Գերագույն առաջնորդի սպանության օրինականության մասին, նշել է․ «Մարդու իրավունքների տեսանկյունից մենք որևէ տեսակի սպանության կողմնակից չենք»:

«Մարդու իրավունքների տեսանկյունից, որևէ անձի սպանությունը չի համապատասխանում միջազգային իրավունքի շահերին», – ավելացրել է նա:

Տուրկին հարցրել են նաև Իրանի աղջիկների դպրոցի վրա հարձակման մասին: «Սա ակնհայտ քաղաքացիական հաստատություն է, որը երբեք չի կարելի հարվածի ենթարկել», – նշել է Տուրկը:

Նա ասել է, որ պետք է անցկացվի անաչառ հետաքննություն՝ պարզելու հարձակման հանգամանքները, ընդգծելով, որ կան հարցեր օգտագործված զինամթերքի տեսակի և հարձակման ժամանակի վերաբերյալ: Այս մասին հայտնում է Reuters-ը։