Պեսկով. Ֆինլանդիայում միջուկային զենքի տեղակայումը սպառնալիք կներկայացնի Ռուսաստանի համար

Ֆինլանդիայի կողմից միջուկային զենքի տեղակայումը սպառնալիք կներկայացնի Ռուսաստանի համար, և Մոսկվան կձեռնարկի համապատասխան միջոցներ՝ ի պատասխան, հայտարարել է Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ պաշտպանության նախարար Անտի Հյականենը հայտարարել էր, որ Ֆինլանդիայի կառավարությունն առաջարկում է թույլատրել միջուկային զենքի ներմուծումն ու պահպանումը իր տարածքում, եթե դա կապված լինի Ֆինլանդիայի պաշտպանության հետ, բայց, հակառակ դեպքում, այն ​​կմնա արգելված։

«Փաստն այն է, որ իր տարածքում միջուկային զենք տեղակայելով՝ Ֆինլանդիան սպառնում է մեզ։ Եվ եթե Ֆինլանդիան սպառնա մեզ, մենք կձեռնարկենք համապատասխան միջոցներ», - լրագրողներին ասել է Պեսկովը՝ մեկնաբանելով Ֆինլանդիայի կառավարության հայտարարությունները։