Կուբայի արտգործնախարարը վերահաստատել է Իրանի աջակցությունը ԱՄՆ-ի և Իսրայելի հարվածների հարցում

Կուբայի արտաքին գործերի նախարար Բրունո Ռոդրիգես Պարիլյան իր իրանցի գործընկեր Աբբաս Արաղչիի հետ հեռախոսազրույցում աջակցություն է հայտնել Իրանին ԱՄՆ-ի և Իսրայելի կողմից Իսլամական Հանրապետության վրա հարձակումների ֆոնին։

«Կուբայի արտաքին գործերի նախարարը ցավակցություն է հայտնել Իսլամական հեղափոխության գերագույն առաջնորդ Ալի Խամենեիի և Իրանի այլ քաղաքացիների, մասնավորապես՝ Մինաբ քաղաքի տարրական դպրոցի աշակերտների նահատակության կապակցությամբ։

Նա համակրանք և համերաշխություն է հայտնել Իրանի կառավարությանը և ժողովրդին՝ ընդգծելով իր երկրի աջակցությունը Իրանի Իսլամական Հանրապետությանը», - ասվում է Իրանի արտաքին գործերի նախարարության հայտարարության մեջ։

Կուբայի արտաքին գործերի նախարարը ընդգծել է ազգային ինքնիշխանությունը հարգելու և ՄԱԿ-ի կանոնադրության ու միջազգային իրավունքի սկզբունքներին հետևելու անհրաժեշտությունը։