I24․ Իրանը կորցրել է իր հրթիռային կայանքների 60%-ը

Իրանը կորցրել է իր հրթիռային կայանքների և հակաօդային պաշտպանության համակարգերի 60%-ը ԱՄՆ-ի և Իսրայելի դեմ ռազմական գործողությունների ընթացքում, պնդում է իսրայելական I24 հեռուստաալիքը՝ հղում անելով անանուն պաշտոնյաների։ 

Հեռարձակողի տվյալներով՝ այս թվերը հայտարարվել են Իսրայելի անվտանգության կաբինետի՝ մարտի 5-ի երեկոյան կայացած նիստի ժամանակ։ Հեռուստաալիքի անվտանգության աղբյուրները նշել են, որ իսրայելական զինվորականները գոհ են գործողության ընթացքից և Միացյալ Նահանգների հետ համակարգումից։

Ավելին, հեռուստաալիքի ռազմական աղբյուրները նշել են, որ իսրայելական ուժերը մտադիր են ակտիվորեն հարվածել Իրանում գտնվող թիրախներին «առնվազն մեկ շաբաթ» և այնուհետև նվազեցնել հարձակումների ինտենսիվությունը։

Նախկինում ԱՄՆ նախագահ Դոնալդ Թրամփը նույնպես հայտարարել էր, որ ԱՄՆ զինվորականները ոչնչացրել են Իրանի հրթիռների 60%-ը և դրանց արձակման սարքերի 64%-ը։